உள்ளூர் செய்திகள்

/ தினமலர் டிவி / அரசியல் / பிரதமர் மோடியுடன் கைகுலுக்கிய சிவகார்த்திகேயன் | PM Modi | Pongal celebration | Parasakthi Team

பிரதமர் மோடியுடன் கைகுலுக்கிய சிவகார்த்திகேயன் | PM Modi | Pongal celebration | Parasakthi Team

மோடி பொங்கல் விழாவில் பராசக்தி பட டீம் பங்கேற்பு காங்கிரஸ் கடும் அதிர்ச்சி மத்திய இணை அமைச்சர் முருகனின் டில்லி வீட்டில் நடந்த பொங்கல் விழாவில், பிரதமர் மோடியுடன், பராசக்தி படக்குழுவும் பங்கேற்றது. இது காங்கிரஸ் மேலிடத்தை அதிர்ச்சி அடைய செய்துள்ளது. இந்த விழாவில், பராசக்தி பட நாயகன் நடிகர் சிவகார்த்திகேயன், வில்லன் ரவிமோகன் மற்றும் இசை அமைப்பாளர் ஜி.வி. பிரகாஷ் பங்கேற்றனர். தமிழக பா.ஜ., முன்னாள் தலைவர் அண்ணாமலை, முன்னாள் கவர்னர் தமிழிசை, தேசிய மகளிர் அணி தலைவி வானதி போன்றவர்களும் கலந்துகொண்டனர். வழக்கமாக, மோடி பங்கேற்கும் பொங்கல் விழாவில், திரையுலக பிரபலங்களும் கலந்து கொள்வது வழக்கம். இந்த ஆண்டு, காங்கிரஸ் ஆட்சியை விமர்சித்த பராசக்தி பட குழுவினர் பங்கேற்றது தி.மு.க.,வுக்கும் காங்கிரஸ் மேலிடத்திற்கும் ஆச்சரியத்தை தந்துள்ளது. இயக்குநர் சுதா கொங்கரா இயக்கத்தில் சிவ கார்த்திகேயன், அதர்வா, ஸ்ரீலீலா நடித்து வெளியாகியுள்ள பராசக்தி படம், 1965ம் ஆண்டில், தமிழகத்தில் நடந்த ஹிந்தி எதிர்ப்பு போராட்டத்தை பின்னணியாக கொண்டு உருவாக்கப்பட்டுள்ளது. சிதம்பரம் அண்ணாமலை பல்கலைக்கழக மாணவர் ராஜேந்திரன் துப்பாக்கி சூட்டில் இறப்பது, மதுரையில் காங்கிரஸ் அலுவலகம் தாக்கப்படுவது, முன்னாள் பிரதமர் இந்திராவை போராட்டக்காரர்கள் சந்திப்பது போன்ற நிகழ்வுகள், போராட்டத்தின் முக்கிய அம்சங்களாக படத்தில் காட்டப்படுகின்றன. முன்னாள் முதல்வர் பக்தவச்சலம் தலைமையில், தமிழகத்தில் நடந்த காங்கிரஸ் ஆட்சியை விமர்சித்து எடுக்கப்பட்ட பராசக்தி படத்திற்கு எதிராக, காங்கிரஸ் எம்.பி., மாணிக்கம் தாகூர், முன்னாள் காங்கிரஸ் எம்.எல்.ஏ., அருள் அன்பரசு உள்ளிட்டோர் கண்டனம் தெரிவித்தனர். இப்பின்னணியில், பராசக்தி படத்தில் நடித்த நடிகர்களை அழைத்து, பிரதமர் மோடியுடன் பங்கேற்க வைத்தது, த.வெ.க., தலைவர் விஜய்க்கு வைக்கப்பட்டுள்ள செக் எனவும் கூறப்படுகிறது. விஜய் நடித்த ஜனநாயகன் படத்திற்கு ஆதரவாக, காங்கிரஸ் லோக்சபா தலைவர் ராகுல் குரல் கொடுத்ததை, பா.ஜ., தரப்பு ரசிக்கவில்லை. அதனால், விஜய்க்கு நெருக்கடி தரும் வகையில் சி.பி.ஐ., விசாரணை பாய்ந்தது; ஜனநாயகன் படத்திற்கும் முட்டுக்கட்டை போடப்பட்டு உள்ளதாக கூறப்படுகிறது. இந்நிலையில், பராசக்தி படக்குழுவினர் மீது, தமிழக காங்கிரசார் சங்கி பட்டம் சூட்டியுள்ளனர். அக்கட்சி எம்.பி., மாணிக்கம் தாகூர், தன் எக்ஸ் வலைதள பக்கத்தில், சங்கி குழு பொங்கலில் பராசக்தி குழு; ஆனால், ஜனநாயகன் முடக்கம் என விமர்சித்துள்ளார்.

ஜன 15, 2026

தொடர்புடையவை


தினமலர் சேனல்களுக்கு SUBSCRIBE செய்யுங்கள் !

அதிகம் விமர்ச்சிக்கப்பட்டவை