சிறு, குறு நிறுவனங்களிடம் அதிக மின் கட்டணம் வசூல் Bjp annamalai|statement|small scale industries|Po
தமிழக பாரதிய ஜனதா தலைவர் அண்ணாமலை வெளியிட்ட அறிக்கையில் கூறியிருப்பதாவது: - ஆட்சிக்கு வந்தது முதல் தொடர்ந்து மின் கட்டணத்தை உயர்த்தி, மக்களை துன்புறுத்தும் திமுக விளம்பரத்துக்காக கண்துடைப்பு அறிவிப்புகளை வெளியிட்டு தொழில்துறையினரை ஏமாற்றுகிறது. இதனால் சிறு, குறு, நடுத்தர தொழில்முனைவோர்கள் பெரிதும் பாதிக்கப்பட்டுள்ளனர். கோயம்புத்தூரில் மட்டும் 12 கிலோவாட் மின் சுமைக்கு குறைவாக பயன்படுத்தும் சுமார் 52 ஆயிரத்து 367 சிறு தொழிற்சாலைகள் உள்ளன. ஒவ்வொரு ஆண்டும் திமுக அரசின் மின்கட்டண உயர்வால் இந்த நிறுவனங்கள் பாதிக்கப்படுகின்றன. இந்த சிறு தொழில்களுக்கான மின்சார இணைப்பு வகையை III (B) ல் இருந்து III A (1) ஆக மாற்ற வேண்டும் என கோரிக்கை எழுந்தது.