actor Mohan Babu son Manchu Manoj property dispute hyderabad police crime guns siezed தெலுங்கு நடிகர் மோகன் பாபுவுக்கு தெலங்கானா, ஆந்திராவில் ஏகப்பட்ட சொத்துக்கள் உள்ளன. கல்வி நிறுவனங்கள், தொழில் நிறுவனங்களும் உள்ளன. அவருக்கும் இளைய மகன் நடிகர் மஞ்சு மனோஜுக்கும் சொத்துப்பிரச்னை இருந்து வருகிறது. மூத்த மகன் நடிகர் மஞ்சு விஷ்ணு அப்பாவுக்கு ஆதரவாக உள்ளார். ஐதராபாத்தில் உள்ள ஜல்பள்ளி பகுதியில் உள்ள பங்களாவில் மோகன்பாபுவும், 2 மகன்களும் குடும்பத்துடன் வசிக்கின்றனர். மோகன்பாபுவுக்கும் மஞ்சு மனோஜுக்கும் அடிக்கடி தகராறு ஏற்பட்டது. இதனால், தனக்கும் தன் மனைவி குழந்தைகளுக்கும் துப்பாக்கி ஏந்திய போலீஸ் பாதுகாப்பு வழங்கக் கோரி தெலங்கானா டிஜிபி ஜிதேந்தரிடம் மஞ்சு மனோஜ் புகார் கொடுத்தார். புகார் கொடுத்துவிட்டு வீடு திரும்பிய மஞ்சு மனோஜ் காரை மோகன்பாபுவின் பவுன்சர்கள் வீட்டுக்குள் விடாமல் தகராறு செய்தபோது, பத்திரிகையாளர்கள் செய்தி சேகரிக்க வந்தனர். அப்போது, மோகன்பாபுவும் அவரது பவுன்சர்களும் பத்திரிகையாளர்களை தாக்கி விரட்டினர். கேமரா, மைக்கை உடைத்தனர். இதனால் பத்திரிகையாளர் சங்கங்கள் மோகன்பாபு மீது புகார் அளித்தன. அதன்பேரில் ஐ தராபாத் போலீசார் வழக்கு பதிவு செய்தனர்.