/ தினமலர் டிவி
/ செய்திச்சுருக்கம்
/ செய்தி சுருக்கம் | 01 PM | 05-01-2025 | Short News Round Up | Dinamalar
செய்தி சுருக்கம் | 01 PM | 05-01-2025 | Short News Round Up | Dinamalar
திருநெல்வேலி, களக்காட்டை சேர்ந்தவர் பினோகாஸ். மளிகை கடை நடத்தி வருகிறார். அப்பகுதியில் வசிக்கும் வட மாநிலத்தவர்கள் சிலர், அடிக்கடி கடைக்கு வந்து சென்றதால் பினோகாசுடன் பழக்கம் ஏற்பட்டது. அவர்கள் சில தங்க குண்டு மணிகளை காட்டி, வள்ளியூரில் பைப் லைன் பதிக்கும் பணிக்கு சென்றபோது, பூமியை தோண்டும் போது கிடைத்ததாக கூறினார். வெளியாட்கள் பழக்கம் இல்லாததால் விற்பனை செய்தால் மாட்டிக்கொள்வோம். எனவே உங்களிடம் குறைந்த விலைக்கு தருகிறோம் எனக் கூறியுள்ளனர். சாம்பிளுக்கு குண்டுமணியை கொடுத்தனர். பினோகாசும் அதை பரிசோதித்து தங்கம் என்பதை தெரிந்து கொண்டார். 3 லட்சம் ரூபாய் கொடுத்து ஒன்றரை கிலோ தங்க குண்டு மணிகளை அவர்களிடம் இருந்த வாங்கினார்.
ஜன 05, 2025