சீரியலில் ஹீரோயினாகும் டிக் டாக் பிரபலம்!

டிக் டாக் பிரபலமான ஷோபனா விஜய் டிவியில் முத்தழகு என்ற புதிய சீரியலில் ஹீரோயினாக அறிமுகமாகியுள்ளார்.

டிக் டாக் செயலி பட்டித்தொட்டியில் இருக்கும் பலரையும் பிரபலமாக்கி விட்டது. அந்த வரிசையில் பல ரசிகர்களை கவர்ந்து டிரெண்டிங்கில் இடம் பிடித்து வலம் வந்தவர் ஷோபானா. டிக் டாக் தடை செய்யப்பட்டவுடன் இன்ஸ்டாகிராம் ரீல்ஸில் வீடியோக்கள் வெளியிட்டு ரசிகர்களை மகிழ்வித்து வந்தார். இதன் மூலம் அடைந்த புகழ் வெளிச்சம் ஷோபனாவை ஆல்பம், குறும்படங்கள், வெப் சீரீஸ் என அடுத்தடுத்த தளங்களுக்கு கொண்டு சென்றது. தற்போது திறமையான நடிகையாக வலம் வந்து கொண்டிருக்கும் ஷோபனா, இல்லந்தோறும் ரசிகர்களின் மனதை கொள்ளைக்கொள்ளும் வகையில் விஜய் டிவியின் புதிய சீரியலில் ஹீரோயினாக நடிக்கிறார்.

கிராமத்து கதைக்களத்துடன் புத்தம் புதிய பொலிவுடன் தயாராகி வரும் முத்தழகு தொடரில் ஷோபனா ஹீரோயினாக நடிக்கிறார். இதன் ப்ரோமோ சமீபத்தில் வெளியாகி எதிர்பார்ப்பை ஏற்படுத்தியுள்ளது. இதனையடுத்து அவரது ரசிகர்கள் பலரும் ஷோபனாவுக்கு தங்கள் வாழ்த்துகளை அவருக்கு தெரிவித்து வருகின்றனர்.