ஆர்ஆர்ஆர் படத்தின் கிளிம்ப்ஸ் வீடியோ வெளியானது

ராஜமவுலி இயக்கத்தில் ஜூனியர் என்டிஆர், ராம்சரண் நடிப்பில் உருவாகியுள்ள பிரம்மாண்ட படம் ஆர்ஆர்ஆர். இந்த படத்தின் படப்பிடிப்பு முடிவடைந்து தற்போது இறுதிக்கட்ட பணிகள் நடைபெற்று வருகிறது. வருகிற ஜனவரி 7-ம் தேதி ஆர்ஆர்ஆர்படம் திரைக்கு வர உள்ளது. இந்த நிலையில் இப்படத்தின் கிளிம்ப்ஸ் வீடியோ ஒன்று நவம்பர் 1ஆம் தேதியான இன்று காலை 11 மணிக்கு வெளியிடுவதாக ஏற்கனவே அறிவிக்கப்பட்டிருந்தது. அந்த வீடியோ இன்று வெளியிடப்பட்டுள்ளது.

அதில் ஜூனியர் என்டிஆர், ராம் சரண் நடிக்கும் அதிரடியான பாகுபலிக்கு இணையான பிரமாண்டமான ஆக்ஷன் காட்சிகளாக இடம் பெற்றுள்ளது. சுமார் 400 கோடி ரூபாய் பட்ஜெட்டில் தயாராகி உள்ள இந்த ஆர்ஆர்ஆர் படத்திற்கு கீரவாணி இசை அமைத்திருக்கிறார். ஏற்கனவே இந்த படம் குறித்த பல அப்டேட்கள் வெளியாகி வரும் நிலையில், இந்த கிளிம்ப்ஸ் வீடியோ, ஆர்ஆர்ஆர் படம் பாகுபலிக்கு இணையான ராஜமவுலியின் இன்னொரு பிரமாண்ட படம் என்பதை உணர்த்தும் வகையில் அமைந்துள்ளது.