தேசிய விருதுடன் இயக்குனரை சந்தித்த விஜய் சேதுபதி

தியாகராஜன் குமாரராஜா இயக்கத்தில் விஜய் சேதுபதி, பகத் பாசில், சமந்தா, ரம்யா கிருஷ்ணன் உள்பட பலர் நடித்து வெளியான படம் சூப்பர் டீலக்ஸ். இப்படத்தில் ஷில்பா என்ற திருநங்கை வேடத்தில் நடித்திருந்த விஜய் சேதுபதிக்கு 2019ஆம் ஆண்டின் சிறந்த துணை நடிகருக்கான தேசிய விருது அறிவிக்கப்பட்டிருந்தது. இந்த விருதினை கடந்த மாதம் 25-ஆம் தேதி வெங்கையா நாயுடுவிடம் பெற்றார்.

அதையடுத்து அந்த விருது பெறும்போது தனக்கு கொடுக்கப்பட்ட கடிதத்துடன் சென்னை திரும்பிய விஜய் சேதுபதி, அதை சூப்பர் டீலக்ஸ் பட இயக்குனர் தியாகராஜன் குமாரராஜாவிடம் கொடுத்துள்ளார். அதை வாங்கி அவர் படித்து விட்டு விஜய் சேதுபதியை வாழ்த்துகிறார். அதற்கு விஜய் நன்றி சொல்கிறார். இதுகுறித்த வீடியோ ஒன்று விஜய் சேதுபதியின் டுவிட்டரில் வெளியாகியுள்ளது.

அதோடு, ஷில்பா கேரக்டரில் விஜய் சேதுபதி தான் சொன்னது மட்டுமின்றி சொல்லாத விசயங்களையும் சேர்த்து சிறப்பாக நடித்து தன்னை இம்ப்ரஸ் செய்ததாகவும் தெரிவித்துள்ளார் இயக்குனர் தியாகராஜன் குமாரராஜா.