ராவணாசுரனாக மாறிய ரவிதேஜா

தெலுங்கு நடிகர் ரவி தேஜாவுக்கு இந்த கொரோனா இரண்டாவது அலை ஆரம்பித்த சமயத்தில் இருந்து நல்ல காலம் பிறந்து விட்டது என்றே சொல்லலாம். அந்த சமயத்தில் வெளியான அவரது கிராக் படம் மிகப் பெரிய வெற்றியை பெற்றது. இதை தொடர்ந்து அவரது இன்னொரு படமான கில்லாடி ரிலீசுக்கு தயாராக உள்ளது. இந்த நிலையில் தற்போது சுதீர் வர்மா டைரக்ஷனில் லாயராக நடித்து வருகிறார் ரவி தேஜா.

இந்த படத்திற்கு இப்போது ராவணாசுரன் என டைட்டில் வைக்கப்பட்டுள்ளது. ரவிதேஜா அமர்ந்திருப்பது போன்றும், அவரது தலையின் பின்னால் ஒன்பது தலைகள் இருப்பது போன்றும் பர்ஸ்ட் லுக் போஸ்டர் தற்போது வெளியிடப்பட்டு உள்ளது. பொதுவாக ரோக்கள் எதிர்மறையான கதாப்பாத்திரத்தின் பெயரில் நடிப்பது ரொம்பவே குறைவுதான். இந்த நிலையில் ரவிதேஜா ஹீரோவாக நடித்தாலும் அந்த படத்திற்கு ராவணாசுரன் என டைட்டில் வைக்கப்பட்டுள்ளது ரசிகர்களிடம் எதிர்பார்ப்பை ஏற்படுத்தியுள்ளது.