நவ.,30ல் ‛83' பட டிரைலர் வெளியீடு
ADDED : 1411 days ago
1983ல் கபில்தேவ் தலைமையிலான இந்திய கிரிக்கெட் அணி முதல்முறையாக உலக கோப்பையை வென்று சரித்திரம் படைத்தது. இதை தழுவி ஹிந்தி, தமிழ், தெலுங்கு, கன்னடம், மலையாளம் என 5 மொழிகளில் 83 என்ற படம் உருவாகியுள்ளது. கபில்தேவ்வாக ரன்வீர் சிங், ஸ்ரீகாந்த்தாக ஜீவா உள்ளிட்ட பலர் நடித்துள்ளனர். கபீர்கான் இயக்கி உள்ளார்.
கொரோனா பிரச்னையால் தடைப்பட்டு நடந்து வந்த படப்பிடிப்பு முடிந்து தற்போது ரிலீசுக்கு தயாராகியுள்ளது. கிறிஸ்துமஸ் பண்டிகையை முன்னிட்டு டிசம்பர் 24ம் தேதி படம் வெளியாகும் எனப் படக்குழு அறிவித்துள்ளது. ‛3டி'யிலும் இப்படம் வெளியாகிறது. மேலும் இப்படத்தின் டிரைலர் நவ.,30ல் வெளியாகிறது.