‛மழை பிடிக்காத மனிதன்' படத்தில் விஜய் ஆண்டனியுடன் இணையும் மேகா ஆகாஷ்
ADDED : 1378 days ago
விஜய் ஆண்டனி நடிப்பில் வெளியான 'சலீம்' திரைப்படம், விமர்சன ரீதியில் பாராட்டுக்களை குவித்தது. தற்போது ‛மழை பிடிக்காத மனிதன்' என்னும் படத்தில் விஜய் ஆண்டனி நடிக்க உள்ளார். இப்படத்தை ஒளிப்பதிவாளரும் இயக்குநருமான விஜய் மில்டன் எழுதி, இயக்குகிறார். ஆக்சன், கமர்ஷியல் படமாக உருவாகவுள்ள இப்படம், டாமன் & டையூ பகுதியில் படமாக்கப்பட உள்ளது. அங்கு படமாக்கப்படும் முதல் தமிழ்படம் இதுவாகும்.
இப்படத்தில் விஜய் ஆண்டனிக்கு ஜோடியாக மேகா ஆகாஷ் நடிக்கிறார். சரத்குமார் மிக முக்கியமான கதாபாத்திரத்தில் நடிக்கிறார். இவர்களுடன், சரண்யா பொன்வண்ணன், முரளி சர்மா, தலைவாசல் விஜய், சுரேந்தர் தாகூர் பிரணிதி ஆகியோரும் நடிக்கின்றனர். கன்னட திரையுலகின் தனஞ்செயா, ப்ருத்வி அம்பர் ஆகிய இரு நடிகர்களும் இப்படம் மூலம் தமிழில் அறிமுகமாகிறார்கள். 2022ம் ஆண்டு மத்தியில் இப்படத்தை வெளியிட திட்டமிடப்பட்டுள்ளது.