சிவகார்த்திகேயன் படத்தில் அனிதா சம்பத்?

டிவி சேனல் ஒன்றில் செய்தி வாசிப்பாளராக இருந்து பிக்பாஸ் சீசன் 4 நிகழ்ச்சியில் கலந்து கொண்டதன் மூலம் பிரபலமானவர் அனிதா சம்பத். அதை தொடர்ந்து பிக்பாஸ் ஜோடிகள் என்கிற நிகழ்ச்சியில் கலந்து கொண்டு ஷாரிக்குடன் இணைந்து டைட்டிலையும் தட்டி சென்றார். தொடர்ந்து சினிமாவில் வாய்ப்புக்காக காத்திருப்பதாலோ என்னவோ சீரியல் வாய்ப்புகளையும் அவர் தவிர்த்து வருகிறார் என்றும் சொல்லப்பட்டது.

இந்தநிலையில் சிவகார்த்திகேயன் படத்தில் முக்கியமான வேடத்தில் அனிதா சம்பத் நடிக்கிறார் என்கிற தகவல் வெளியாகியுள்ளது. அதை உறுதிப்படுத்துவது போல சிவகார்த்திகேயனுடன் அனிதா எடுத்துக் கொண்ட புகைப்படம் ஒன்று தற்போது சோஷியல் மீடியாவில் வெளியாகி வைரலாகி வருகிறது. அனேகமாக சிவகார்த்திகேயன் முதன்முறையாக தெலுங்கில் நடிக்கும் படத்தில் தான் அனிதா சம்பத்தும் நடிப்பார் என தெரிகிறது.