நாகார்ஜூனா 100 - மோகன்ராஜா இயக்குகிறார்?

தமிழ் திரைப்பட முன்னணி இயக்குனர்கள் தற்போது தெலுங்கில் படங்களை இயக்கி வருகிறார்கள். இயக்குனர் ஷங்கர், லிங்குசாமி போன்ற இயக்குனர்கள் தெலுங்கில் தங்களது படங்களை இயக்கி வருகின்றனர். மோகன்லால் நடிப்பில் வெளியான லூசிபர் படத்தின் தெலுங்கு ரீமேக்கில் சிரஞ்சீவி நடித்து வருகிறார். இப்படத்தை இயக்குனர் மோகன்ராஜா இயக்கி வருகிறார் .

இந்நிலையில் மோகன்ராஜா மீண்டும் நடிகர் நாகார்ஜூனாவை வைத்து தெலுங்கில் புதிய படம் ஒன்றை இயக்க இருக்கிறார். நாகார்ஜூனாவின் நூறாவது படமான இப்படத்தை அன்னபூர்ணா ஸ்டுடியோஸ் மற்றும் ஜீ ஸ்டுடியோஸ் தயாரிப்பு நிறுவனங்கள் இணைந்து தயாரிக்கின்றனர்.

இது குறித்த அதிகாரப்பூர்வ அறிவிப்பு விரைவில் வெளியாகும் என எதிர்பார்க்கப்படுகிறது.