மார்ச் 8ல் வெளியாகும் ஐஸ்வர்யாவின் ஆல்பம் பாடல்
ADDED : 1308 days ago
தனுஷ் மற்றும் ஐஸ்வர்யாவின் இல்லற வாழ்க்கையின் பிரித்தலுக்கு பிறகு இருவரும் அவர்களது வேலைகளில் ஈடுபட்டு வருகின்றனர் . சில நாட்களுக்கு முன்பு ஐஸ்வர்யா கொரோனா தொற்றால் பாதிக்கப்பட்டு மீண்டு வந்தார். அதே நேரத்தில் தான் இயக்கி வரும் மியூசிக் ஆல்பம் படப்பிடிப்பிலும் கவனம் செலுத்தி வந்தார். முஸாபிர் என்கிற ஆல்பம் பாடலை அன்கித் திவாரி இசையமைப்பில் ஐஸ்வர்யா ரஜினிகாந்த் இயக்கியுள்ளார்.
மூன்று மொழிகளில் வெளியாக உள்ள இந்தப் பாடலை தமிழில் அனிருத் பாடியுள்ளார். அதேபோல தெலுங்கு மொழியில் பாடகர் சாகர் மற்றும் மலையாள மொழியில் ரஞ்சித் கோவிந்தும் பாடியுள்ளனர். இந்நிலையில் இந்த பாடல் மார்ச் 8 ஆம் தேதி வெளியாக இருப்பதாக ஐஸ்வர்யா அறிவித்துள்ளார் .