'கூர்க்' ஸ்டைல் புடவையில் 30 லட்சம் லைக்குகளை அள்ளிய ராஷ்மிகா

கன்னடம், தெலுங்கு, தமிழ் ஆகிய மொழிகளில் நடித்து தனக்காக சில பல கோடி ரசிகர்களைத் தன் பக்கம் ஈர்த்த கன்னட நடிகையான ராஷ்மிகா மந்தனா தற்போது ஹிந்தியிலும் பிஸியாக நடித்து வருகிறார்.

கர்நாடக மாநிலத்தின் மலைப் பிரதேசமான கூர்க் நகரை சொந்த ஊராகக் கொண்டவர் ராஷ்மிகா. காபி எஸ்டேட்டுகள் அதிகம் உள்ள கூர்க் பகுதியின் பெண்கள் அணியும் பாரம்பரிய சேலை ஸ்டைலுக்கு “கொடவா' சேலைகள்'' என்று பெயர்.

அந்தப் பாணியில் சேலை அணிந்த இரண்டு புகைப்படங்களை தனது இன்ஸ்டா பக்கத்தில் நேற்று பகிர்ந்திருந்தார் ராஷ்மிகா. அந்தப் பதிவிற்கு 30 லட்சத்திற்கும் மேற்பட்ட லைக்குகள் அவருக்குக் கிடைத்துள்ளன. ராஷ்மிகா கிளாமராக ஆடை அணிந்த புகைப்படங்களுக்குக் கூட வழக்கமாக 20 லட்சம் லைக்குகள்தான் கிடைக்கும். ஆனால், அவர் சேலை அணிந்த புகைப்படங்களுக்கு அதை விட அதிகமான லைக்குகளை வாங்குகிறார்.

இன்ஸ்டாவில், தற்போது 29.3 மில்லியன் பாலோயர்களை வைத்திருக்கும் ராஷ்மிகா, விரைவில் 30 மில்லியன் பாலோயர்களை தொடப் போகிறார் என்பது கூடுதல் தகவல்.