மோகன் நடிக்கும் ஹரா படத்தின் டீசர் வெளியானது

நீண்ட இடைவெளிக்குப் பிறகு மோகன் நடித்து வரும் படம் ஹரா. குஷ்பு முக்கிய வேடத்தில் நடிக்கும் இந்த படத்தை விஜய் ஸ்ரீ இயக்குகிறார். தற்போது இந்தப்படத்தின் டீசர் வெளியிடப்பட்டுள்ளது. அதில் மோகன் ஆட்டோவில் சென்று கொண்டிருக்கும் போது சில ரவுடிகள் வழிமறித்து அவரை கொலை செய்ய வருகிறார்கள். அப்போது திடீரென்று ரவுடிகளின் தலைவன் தீப்பிடித்து எரிகிறான். 2.50 நிமிடங்கள் ஓடக்கூடிய இந்த டீசரில் ஒரு வசனம் கூட பேசாமல் தனது பார்வையாலேயே பேசி இருக்கிறார் மோகன். இந்த டீசரை பார்க்கும்போது இப்படம் மோகனுக்கு ஒரு அதிரடியான ரீ என்ரியை கொடுக்கும் என்பதை யூகித்துக் கொள்ள முடிகிறது.