ரூ.200 கோடி வசூலை கடந்த ‛விக்ரம்'

மாநகரம், கைதி, மாஸ்டர் படங்களை இயக்கிய லோகேஷ் கனகராஜ் இயக்கத்தில் கமல்ஹாசன் தயாரித்து நடித்த படம் விக்ரம். அவருடன் விஜய்சேதுபதி, பகத் பாசில், நரேன், காளிதாஸ் ஜெயராம் ,செம்பன் வினோத் , சூர்யா உள்பட பலர் முக்கிய வேடங்களில் நடித்த விக்ரம் படத்திற்கு அனிருத் இசையமைத்துள்ளார். கடந்த ஜூன் 3ஆம் தேதி திரைக்கு வந்த இப்படம், தமிழ், தெலுங்கு, மலையாளம், கன்னடம், ஹிந்தி என 5 மொழிகளில் மிகப் பெரிய அளவில் வசூல் செய்திருப்பதாக பாக்ஸ் ஆபீஸ் தகவல்கள் தெரிவிக்கின்றன.

அந்த வகையில், இப்படம் திரைக்கு வந்து 5 நாள்களில் 200 கோடிக்கு மேல் வசூல் செய்துள்ளது. அதுமட்டுமின்றி இந்த ஆண்டு தமிழில் இதுவரை வெளியான படங்களில் குறைந்தநாளில் அதிக வசூல் செய்த படம் என்ற பட்டியலில் கமலின் விக்ரம் படமும் இணைந்துள்ளது.