லட்சுமிமேனன் வெளியிட்ட வீடியோ வைரல்

சிறு வயதில் பள்ளியில் படித்து கொண்டிருந்தபோதே, சினிமாவில் கதாநாயகியாக நடிக்க வந்தவர், லட்சுமிமேனன். இவர் தமிழில் 'சுந்தரபாண்டியன்' படத்தின் மூலம் நடிகையாக அறிமுகம் ஆனார். கும்கி, குட்டிப்புலி, பாண்டியநாடு, நான் சிகப்பு மனிதன், மஞ்சப்பை, ஜிகர்தண்டா, வேதாளம், மிருதன், ரெக்க உள்ளிட்ட படங்களிலும் நடித்துள்ளார்.

சில ஆண்டுக்கு பின் அவர் நடிப்பதை நிறுத்திவிட்டு, தனது படிப்பில் கவனம் செலுத்த ஆரம்பித்தார். மீண்டும் 5 வருடங்களுக்கு பிறகு விக்ரம் பிரபுவுக்கு ஜோடியாக 'புலிக்குத்தி பாண்டி' என்ற படத்தில் நடித்தார். தற்போது 'சிப்பாய்' என்ற படத்தில் நடித்து வருகிறார். இந்நிலையில் லட்சுமி மேனன் ஒரு வீடியோ பதிவை சமூக வலைதளத்தில் வெளியிட்டுள்ளார். அதில், 'தனக்கு தொப்பை வந்துவிட்டது', என்றும் தெரிவித்து இருக்கிறார். அந்த வீடியோ தற்போது வைரலாகி வருகிறது .