கேட்டரிங் நடத்தும் ஹீரோ: விக்ரம் விருந்தை நடத்தியவர்

கமல், விஜய் சேதுபதி, பகத் பாசில் நடிப்பில் வெளியான விக்ரம் இன்னும் நல்ல வசூலுடன் ஓடிக் கொண்டிருக்கிறது. இதை முன்னிட்டு நடந்த வெற்றி விழாவில் 50க்கும் மேற்பட்ட அயிட்டங்களுடன் விருந்தும் நடந்தது. இந்த விருந்தில் பரிமாறப்பட்ட உணவு பொருளை தயாரித்தது ஒரு ஹீரோ. மெஹந்தி சர்க்கஸ் படத்தில் ஹீரோவாக நடித்த மாதம்பட்டி ரங்கராஜ்தான் இதன் காரணகர்த்தா. அவர் நடத்தி வரும் மாதம்பட்டி பாகசாலா என்ற கேட்டரிங் நிறுவனத்தின் மூலம்தான் இந்த விருந்து நடந்துள்ளது. மாதம்பட்டி ரங்கராஜ், மெஹந்தி சர்க்சுக்கு பிறகு கீர்த்தி சுரேஷின் பெண்குயின் படத்திலும் நடித்தார். தற்போது மேலும் சில படங்களில் நடித்து வருகிறார்.