சின்னத்தம்பி சினிமா பாணியில் உருவாகும் பச்சக்கிளி

பி.வாசு இயக்கத்தில் பிரபு, குஷ்பு நடித்த சின்னத்தம்பி படத்தின் பாணியில் உருவாகி வரும் புதிய தொடர் பச்சக்கிளி. ஒரே ஒரு தங்கையை 3 அண்ணன் பாசத்தோடு வளர்க்கிற கதை. அவளுக்கு மாப்பிள்ளையாக ஒருவன் உள்ளே வருகிறபோது ஏற்படும் பிரச்சினைகளை செண்டிமென்ட் கலந்து சொல்லப்போகிறார்கள்.

இந்த தொடர் வருகிற ஜூலை 4ம் தேதி முதல் கலர்ஸ் தமிழ் சேனலில் ஒளிப்பரப்பு தொடங்குகிறது. திங்கள் முதல் வெள்ளி வரை இரவு 7.30 மணிக்கு ஒளிபரப்பாகிறது. மோனிஷா அர்ஷக் பச்சக்கிளியாக நடிக்கிறார். அவரது ஜோடியாக தீபக் நடிக்கிறார். இவர்கள் தவிர ஸ்டாலின், அஷ்வின், விஜய் ஆனந்த் உள்பட பலர் நடிக்கிறார்கள்.