ஷங்கர் படத்திற்கு பிரேக் - குடும்பத்துடன் சுற்றுலா சென்ற ராம்சரண்
ADDED : 1262 days ago
தெலுங்கில் ஷங்கர் இயக்கி வரும் தனது 15வது படத்தில் நடித்து வருகிறார் ராம்சரண். அவருக்கு ஜோடியாக கியாரா அத்வானி மற்றும் அஞ்சலி உள்பட பலர் நடிக்கும் இந்த படத்தை தில் ராஜு தயாரிக்கிறார். தற்போது ஆர்சி 15வது படத்தின் படப்பிடிப்பு இறுதிக்கட்டத்தை எட்டி உள்ள நிலையில் படப்பிடிப்புக்கு சற்று ஓய்வு கொடுத்துவிட்டு குடும்பத்தினர் உடன் தனி விமானத்தில் சுற்றுலா சென்றுள்ளார் ராம்சரண். அது குறித்த புகைப்படம் ஒன்றை அவர்வெளியிட்டுள்ளார். அதில் ஷங்கர் படத்தில் தான் நடித்து வரும் கெட்டப்பில் ராம்சரண் இருப்பதால் அந்த புகைப்படத்தை அவரது ரசிகர்கள் சோசியல் மீடியாவில் வைரல் ஆக்கி வருகிறார்கள்.