வனவிலங்கு பாதுகாப்பு தூதராக ஸ்ருதிஹாசன் நியமனம்

WWF எனப்படும் (World Wildlife Fund for Nature) வனவிலங்குகளை இயற்கையாக பாதுகாப்பதற்கான சர்வதேச தன்னார்வ தொண்டு நிறுவனம் 2009ம் ஆண்டு முதல் 29 நாடுகளில் செயல்பட்டு வருகிறது. வனவிலங்குகளை செல்லப் பிராணிகளாகவோ, கூண்டில் அடைத்தோ, சர்க்கஸ் போன்றவற்றில் பயன்படுத்தியோ கொடுமைப்படுத்தாமல் அதனதன் இயற்கை வழி வாழ்க்கையை அனுமதிக்க வேண்டும் என்ற கொள்கையுடன் இந்த அமைப்பு செயல்பட்டு வருகிறது.

இநத அமைப்பின் இந்திய பிராந்திய விளம்பர தூதராக ஸ்ருதிஹாசன் நியமிக்கப்பட்டிருக்கிறார். இந்நிறுவனம் உலக அளவில் சுற்றுச்சூழல் நிலைத்தன்மை மற்றும் காலநிலை மாற்றம் ஆகியவற்றுக்கு ஏற்ப செயல்படுவதற்கு ஏற்ற வகையில் நிறுவனங்களுக்கு ஆக்கபூர்வமான ஆலோசனைகளை வழங்கி வருகிறது. இந்த பணிகளை ஸ்ருதிஹாசன் இந்தியாவில் செய்ய இருக்கிறார்.