என் இதய இளவரசி அதிதி : காதலில் உருகிய சித்தார்த்

நடிகை அதிதி ராவ் ஹைதாரியும், சித்தார்த்தும் தீவிரமாக காதலித்து வருவதாக சமீப காலமாக தகவல்கள் வெளியாகி உள்ளன. இருவரும் பொது நிகழ்ச்சிகளில் சேர்ந்தே கலந்து கொள்கிறார்கள். சமீபத்தில் நடந்த பொன்னியின் செல்வன் பாடல் வெளியீட்டு விழாவிற்கு ஒரே காரில் ஜோடியாக வந்து இறங்கினார்கள். எந்த ஒரு விஷயத்திற்கும் உடனடியாக விளக்கம் அளிக்கும் சித்தார்த், அதிதியுடனாக காதல் விவகாரத்தில் இதுவரை மவுனம் காத்து வருகிறார்.

இந்த நிலையில் நேற்று அதிதிக்கு பிறந்த நாள். இதை தொடர்ந்து அதிதியுடன் நெருக்கமாக இருக்கும் படத்தை வெளியிட்டு, என் இதய இளவரசிக்கு இனிய பிறந்தநாள் வாழ்த்துகள். உங்கள் கனவுகள், பெரியவை, சிறியவை, இன்னும் காணாதவை அனைத்தும் நனவாகட்டும், எப்போதும் உங்களுக்காக. சூரியனைச் சுற்றிய சிறந்த பயணம் இருக்கும்” என்று காதலில் உருகி உள்ளார் சித்தார்த்.