காதலர் தினத்தை முன்னிட்டு ரீ-ரிலீஸ் செய்யப்படும் ‛ஹிருதயம்'

கடந்த வருடம் ஜனவரி மாதம் மலையாளத்தில் வினீத் சீனிவாசன் இயக்கத்தில் மோகன்லாலின் மகன் பிரணவ் மற்றும் கல்யாணி பிரியதர்ஷன், தர்ஷனா ராஜேந்திரன் ஆகியோர் இணைந்து நடித்த ஹிருதயம் என்கிற திரைப்படம் வெளியானது. முழுக்க முழுக்க காதல் படமாக உருவாகியிருந்த இந்த படம் கடந்த வருடம் மலையாளத்தில் வெளியான படங்களில் முதல் படமாக 50 கோடிக்கு மேல் வசூலித்து சாதனை செய்தது.

இந்த நிலையில் தற்போது வரும் பிப்ரவரி 14ம் தேதி இந்த படம் காதலர் தினத்தை முன்னிட்டு குறிப்பிட்ட சில திரையரங்குகளில் ரீ-ரிலீஸ் செய்யப்பட இருக்கிறது. இந்த தகவலை இந்த படத்தின் தயாரிப்பாளர் வைசாக் சுப்ரமணியன் அதிகாரப்பூர்வமாக அறிவித்துள்ளார். இதேபோல பிரேமம், விண்ணைத்தாண்டி வருவாயா, மின்னலே, டைட்டானிக் ஆகிய படங்களும் காதலர் தினத்தன்று ரீ-ரிலீஸ் செய்யப்பட இருக்கின்றன.