மீண்டும் இணையும் 'லவ் டுடே' கூட்டணி?

இயக்குனர் பிரதீப் ரங்கநாதன் இயக்கத்தில் கடந்த ஆண்டு வெளியாகி பிளாக்பஸ்டர் ஹிட் ஆன திரைப்படம் லவ் டுடே. இந்த படத்தை அவர் இயக்கி அவரே கதாநாயகனாக நடித்திருந்தார். அவருடன் இணைந்து இவானா, யோகி பாபு, ராதிகா சரத்குமார், சத்யராஜ், ரவீனா ரவி ஆகியோர் முக்கிய கதாபாத்திரத்தில் நடித்தார்கள். ஏ. ஜி. எஸ் நிறுவனம் தயாரிக்க, யுவன் சங்கர் ராஜா இசையமைத்திருந்தார்.

தற்போது பிரதீப் ரங்கநாதன் புதிதாக ஒரு படத்தை இயக்கவுள்ளார். இப்படத்திலும் அவரே கதாநாயகனாக நடிக்கவுள்ளார். இப்படம் இன்ஜினியர் மாணவர்களின் கதை களத்தில் உருவாகும் படம் என கூறப்படுகிறது. இதையும் ஏ. ஜி. எஸ் நிறுவனமே தயாரிக்கும் என்றும் யுவன் சங்கர் ராஜா இசையமைக்க உள்ளார் எனவும் கூறப்படுகிறது. இதன் மூலமாக லவ் டுடே கூட்டணி மீண்டும் இணைகிறது என்கிறார்கள்.