கஸ்டடி படத்தில் பாடலாசிரியராக அறிமுகமாகும் வெங்கட் பிரபுவின் மகள்

தமிழ் சினிமாவில் நடிகராக அறிமுகம் ஆகி அதன்பிறகு இயக்குனரானவர் வெங்கட் பிரபு. சென்னை- 28, மங்காத்தா, மாநாடு உட்பட பல படங்களை இயக்கியவர் தற்போது கஸ்டடி என்ற படத்தை இயக்கியிருக்கிறார். இந்த படத்தில் நாகசைதன்யா நாயகனாக நடித்திருக்கிறார். நாயகியாக கிர்த்தி ஷெட்டி நடித்துள்ளார். போலீஸ் கதையில் உருவாகியிருக்கும் இந்த படம் மே மாதம் திரைக்கு வருகிறது. தமிழ், தெலுங்கு இரு மொழிகளிலும் உருவாகி உள்ளது. இளையராஜா, யுவன் ஷங்கர் ராஜா இணைந்து இசையமைக்கின்றனர். இப்படத்தில் இயக்குனர் வெங்கட் பிரபுவின் மகளான ஸ்ரீ ஷிவானி பாடலாசிரியராக அறிமுகமாகிறார். காவல்துறையை மையமாகக் கொண்டு அவர் எழுதி இருக்கும் பாடல் வருகிற பத்தாம் தேதி வெளியாகும் என்று அறிவிக்கப்பட்டுள்ளது. அதோடு தனது ஐந்தாவது வயதிலேயே தாய் என்ற ஆல்பத்திலும் ஒரு பாடல் பின்னணி பாடியிருக்கிறார் ஸ்ரீ ஷிவானி என்பது குறிப்பிடத்தக்கது.