கமலுடன் நடிக்கும் வாய்ப்பை இழந்த லாரன்ஸ்

தயாரிப்பாளர் மற்றும் இயக்குனர் கதிரேசன் இயக்கத்தில் நடிகர் ராகவா லாரன்ஸ் நடித்து கடந்த ஏப்ரல் 14 அன்று வெளியான திரைப்படம் 'ருத்ரன்'. கலவையான விமர்சனங்களை இப்படம் பெற்றுள்ளது. சமீபத்தில் லாரன்ஸ் தனியார் சேனல் ஒன்றிற்கு பேட்டி அளித்துள்ளார். அந்த பேட்டியில் அவர் கூறியது ; லோகேஷ் கனகராஜ் இயக்கத்தில் கமல்ஹாசன் நடித்து வெளியான 'விக்ரம்' திரைப்படத்தில் விஜய்சேதுபதியின் கதாபாத்திரத்தில் நடிக்க முதலில் என்னிடம் லோகேஷ் கதை சொன்னார். ஆனால், அப்போது இருந்த கால்ஷீட் பிரச்னை காரணமாக என்னால் நடிக்க முடியவில்லை. அந்த வாய்ப்பை தவற விட்டுவிட்டேன். அது குறித்து நான் வருந்தவில்லை. விரைவில் லோகேஷ் கனகராஜும் நானும் ஒரு படத்திற்காக கண்டிப்பாக ஒன்றிணைவோம் எனத் தெரிவித்துள்ளார்.