தமிழில் வெளிவரும் கார்டியன்ஸ் ஆப் தி கேலக்ஸி

மார்வெல் நிறுவனத்தின் கூட்டு சூப்பர் ஹீரோக்கள் படமான கார்டியன்ஸ் ஆப் கேலக்ஸியின் முந்தைய 2 பாகங்களும் பெரும் வெற்றி பெற்றதை தொடர்ந்து தற்போது அதன் 3ம் பாகம் வெளிவருகிறது.

இத்திரைப்படத்தில் கிறிஸ் பிராட், ஸோ சால்டானா, டேவ் பாட்டிஸ்டா, கரேன் கில்லான், போம் க்ளெமென்டிப் ஆகியோர் நடித்துள்ளனர், இதில் வின் டீசல் க்ரூட்டாகவும், பிராட்லி கூப்பர் ராக்கெட்டாகவும், சீன் கன், சுக்வுடி இவுஜி, வில் பவுல்டர் மற்றும் மரியா பகலோவாவாகவும் நடித்துள்ளனர். ஜேம்ஸ் கன் திரைக்கதை எழுதி இயக்கியுள்ளார்.

இந்தியாவில் வருகிற மே 5ம் தேதி ஆங்கிலம், இந்தி, தமிழ் மற்றும் தெலுங்கு மொழிகளில் திரையரங்குகளில் வெளியாகிறது. பொன்னியின் செல்வன் படம் போன்று இந்த படத்தின் குழுவினரும் உலகம் முழுக்க புரமோசன் டூர் கிளம்பி உள்ளனர்.