ரோஷன் ஆண்ட்ரூஸ் இயக்கும் ஹிந்திப்படத்தில் கதாநாயகியாக பூஜா ஹெக்டே
ADDED : 892 days ago
மலையாள திரையுலகில் முன்னணி இயக்குனர்களில் ஒருவர் ரோஷன் ஆண்ட்ரூஸ். மும்பை போலீஸ், காயங்குளம் கொச்சுன்னி, சல்யூட் உள்ளிட்ட பல ஹிட் படங்களை இயக்கிய இவர் மலையாளத்தில் மஞ்சு வாரியருக்கு ரீ என்ட்ரி கொடுத்த ஹவ் ஓல்ட் ஆர் யூ மற்றும் தமிழில் ஜோதிகாவுக்கு ரீ என்ட்ரி கொடுத்த 36 வயதினிலே ஆகிய படங்களையும் இயக்கியவர். கடந்த சில மாதங்களுக்கு முன்பு நிவின்பாலி நடிப்பில் இவரது இயக்கத்தில் வெளியான சாட்டர்டே நைட் திரைப்படம் பெரிய வெற்றியை பெறவில்லை.
இந்த நிலையில் தற்போது பாலிவுட்டில் அடி எடுத்து வைத்துள்ள ரோஷன் ஆண்ட்ரூஸ், நடிகர் சாஹித் கபூர் கதாநாயகனாக நடிக்கும் படத்தை இயக்க உள்ளார். இந்த படத்திற்கு கோய் சாக் என டைட்டில் வைக்கப்பட்டுள்ளது. இந்த படத்தில் கதாநாயகியாக நடிக்க பூஜா ஹெக்டே ஒப்பந்தம் செய்யப்பட்டுள்ளார் என்கிற தகவல் தற்போது வெளியாகி உள்ளது. ஆக்சன் திரில்லராக உருவாகும் இந்த படத்தை பிரபல இயக்குனர் சித்தார்த் ராய் கபூர் தயாரிக்கிறார்.