கதாநாயகன் ஆகும் பிக்பாஸ் பிரபலம்
ADDED : 874 days ago
பல தனியார் சேனல்களில் தொகுப்பாளராக பணியாற்றி வந்தவர் வி.ஜே.கதிரவன். இவர் கடந்தாண்டு பிக்பாஸ் நிகழ்ச்சியில் போட்டியாளராக கலந்து கொண்டு புகழ் பெற்றார். தற்போது இவர் ஒரு படத்தில் கதாநாயகனாக நடிக்கிறார். இன்று(மே 29) இது குறித்து அறிவிப்பு வெளியாகியுள்ளது. அந்த அறிவிப்பின்படி, ஏ எண்டர்டெயின்மெண்ட் மற்றும் ஸ்கை மூண் எண்டர்டெயின்மெண்ட் இணைந்து தயாரிக்கும் இந்த படத்தை இயக்குனர் ஜோயல் விஜய் இயக்குகிறார். இந்த படத்தின் மூலம் கதையின் நாயகனாக அறிமுகமாகிறார் கதிரவன். இந்த படத்திற்கு கூடு என்று தலைப்பு வைத்துள்ளனர். உண்மை சம்பவத்தை அடிப்படையாக கொண்டு இந்த படத்தை உருவாக்குகின்றனர். படத்தின் பர்ஸ்ட் லுக்கில் கையில் பறவைகளின் கூண்டு மற்றும் அதில் உள்ள முட்டையை ஏந்தியபடி போஸ் தந்துள்ளார் கதிரவன்.