குடும்பத்துடன் கேக் வெட்டி பிறந்தநாள் கொண்டாடிய இளையராஜா
ADDED : 856 days ago
இசையமைப்பாளர் இளையராஜா தனது 80வது பிறந்தநாளை இன்று(ஜூன் 2) கொண்டாடினார். அரசியல் தலைவர்கள், திரையுலகினர், ரசிகர்கள் பலரும் அவருக்கு வாழ்த்து தெரிவித்தனர். சென்னையில் உள்ள அவரது ஸ்டுடியோவிற்கு சென்ற நடிகர் பிரபு, பெப்சி தலைவர் ஆர்கே செல்வமணி, இசையமைப்பாளர் சங்க தலைவர் தீனா, நடிகரும், இயக்குனருமான சந்தானபாரதி, தயாரிப்பாளர் டி சிவா, பாடகி ஸ்வேதா மோகன், லிடியன் நாதஸ்வரம் உள்ளிட்ட பல கலைஞர்கள் நேரில் சென்று வாழ்த்து தெரிவித்தனர்.
பின்னர் தனது குடும்பத்தினர் உடன் பிறந்தநாள் கொண்டாடினார் இளையராஜா. தனது சகோதரரும், இயக்குனருமான கங்கை அமரன், இயக்குனர் வெங்கட்பிரபு, பிரேம்ஜி அமரன், கார்த்திக் ராஜா, பவதாரணி, வாசுகி பாஸ்கர் உள்ளிட்ட குடும்பத்தினர் உடன் கேக் வெட்டி பிறந்தநாளை சிறப்பாக கொண்டாடினார். இதுதொடர்பான படங்களை பிரேம்ஜி பகிர்ந்துள்ளார்.