சாப்பாட்டு ராமனுடன் மல்லுக்கட்டும் எதிர்நீச்சல் ஜான்சிராணி!

எதிர்நீச்சல் தொடரில் ஜான்சி ராணி கதாபாத்திரத்தில் நடித்து வருகிறார் நடிகை காயத்ரி கிருஷ்ணன். முன்னதாக அயலி வெப் தொடரில் நடித்திருந்தாலும் ஜான்சி ராணி கதாபாத்திரம் தான் காயத்ரி கிருஷ்ணனுக்கு அதிக புகழை தேடி தந்துள்ளது. ஊடகங்களில் டிரெண்டிங்காக வலம் வரும் காயத்ரி கிருஷ்ணன், தற்போது பிரபல யூ-டியூபரான சாப்பாட்டு ராமனுடன் சாப்பாடு சாப்பிடும் போட்டியில் பங்கெடுத்துள்ளார். இன்ஸ்டாகிராமில் அந்த புகைப்படங்கள் வைரலாகி வரும் நிலையில் 'ஜான்சி ராணியா? சாப்பாட்டு ராமனா? யாருக்கு வெற்றி?' என ரசிகர்கள் ஆவலாக கேட்டு வருகின்றனர். முன்னதாக சின்னத்திரை நடிகை காயத்ரி யுவராஜும் சாப்பாட்டு ராமனுடன் போட்டியிட்டு சாப்பிட முடியாமல் தோற்றுப்போனார் என்பது குறிப்பிடத்தக்கது.