13 வருடத்தை நிறைவு பெற்ற களவாணி

கடந்த 2010ம் ஆண்டில் அறிமுக இயக்குனர் சற்குணம் இயக்கத்தில் நடிகர் விமல் நடித்து வெளிவந்த திரைப்படம் களவாணி. ஓவியா, சூரி, கஞ்சா கருப்பு, சரண்யா பொன்வண்ணன் முக்கிய கதாபாத்திரத்தில் நடித்திருந்தனர். சிராளி பிலிம்ஸ் தயாரித்து வெளிவந்த காலகட்டத்தில் விமர்சனம் ரீதியாகவும், மக்களிடையேயும் நல்ல வரவேற்பைப் பெற்றது. இன்று வரை விமலை ரசிகர்கள் மறக்காமல் ஞாபகம் வைத்திருக்க காரணம் களவாணி படம் தான் என்றால் மிகையாகாது. இந்த நிலையில் இந்த படம் வெளியாகி நேற்றோடு 13 வருடத்தை நிறைவு பெற்றதை முன்னிட்டு விமல் தனது டுவிட்டரில் மகிழ்ச்சியோடு இப்படத்தின் ஸ்பெஷல் போஸ்டர் ஒன்றை பகிர்ந்து ரசிகர்களுக்கு நினைவூட்டியுள்ளார் இதற்கு ரசிகர்களும் வாழ்த்து தெரிவித்து வருகின்றனர்.