கேப்டன் மில்லர் படத்திலிருந்து வெளியேறிய டேனியல் பாலாஜி

அருண் மாதேஸ்வரன் இயக்கத்தில் தனுஷ் நடிப்பில் உருவாகி வரும் படம் 'கேப்டன் மில்லர்'. இந்த படத்தில் சிவராஜ் குமார், பிரியங்கா மோகன், சந்தீப் கிஷன், நிவேதிதா சதீஷ், காளி வெங்கட், ஜெயபிரகாஷ் உட்பட பல நட்சத்திர பட்டாளமே நடிக்கின்றனர். தமிழ், தெலுங்கு, ஹிந்தி மொழிகளில் உருவாகும் இந்தப் படத்தை சத்யஜோதி பிலிம்ஸ் நிறுவனம் தயாரிக்கின்றனர். ஜி.வி.பிரகாஷ் இப்படத்திற்கு இசையமைக்கிறார்.

இந்த படத்தில் முக்கிய கதாபாத்திரத்தில் பொல்லாதவன் பட வில்லன் டேனியல் பாலாஜி நடிப்பதாக தகவல்கள் வெளியானது. இவர் சம்மந்தப்பட்ட காட்சிகளும் படமாக்கப்பட்டது. ஆனால், இந்த படத்தின் படப்பிடிப்பில் இடையில் தாமதம் ஏற்பட்ட போது கால்ஷீட் பிரச்சினையால் டேனியல் பாலாஜி இப்படத்தை விட்டு வெளியேறியுள்ளார். அவரது கதாபாத்திரத்தில் வேறு ஒரு நடிகர் நடித்து வருவதாக கூறுகின்றனர்.

இந்த படத்தின் பர்ஸ்ட் லுக் நாளை மறுநாள் வெளியாகிறது என்பது குறிப்பிடத்தக்கது.