இரட்டை வேடத்தில் நடிக்கும் சிம்பு

தேசிங்கு பெரியசாமி இயக்கத்தில் நடிகர் சிலம்பரசன் தனது 48வது படத்தில் நடிக்கவுள்ளார். நடிகர் கமல்ஹாசனின் ராஜ் கமல் நிறுவனம் தயாரிக்கும் இப்படத்தின் படப்பிடிப்பு விரைவில் துவங்க உள்ளது. சில மாதங்களுக்கு முன்பு இந்த படத்தை அதிகாரப்பூர்வமாக அறிவித்தனர். தற்போது இந்த படத்தில் நடிக்க நடிகர், நடிகை தேர்வு மற்றும் டெக்னீசியன்கள் ஆகியோரை ஒப்பந்தம் செய்து வருகின்றனர். இந்த நிலையில் இப்படத்தில் சிம்பு இரட்டை வேடத்தில் நடிக்கவுள்ளார் என்கிறார்கள். ஹீரோ மற்றும் வில்லன் என இரண்டு கதாபாத்திரத்தில் அவர் நடிக்கிறாராம். இதற்காக எடையை குறைத்துள்ள சிம்பு மீண்டும் எடையை அதிகப்படுத்தி நடிக்கவுள்ளதாக தகவல் வெளியாகியுள்ளது.