எல்ஜிஎம் படத்தின் சென்சார் மற்றும் ரன்னிங் டைம் வெளியானது

தோனி எண்டர்டைன்மென்ட் நிறுவனம் சார்பில் கிரிக்கெட் வீரர் தோனி தயாரித்துள்ள படம் எல்ஜிஎம். தமிழ்மணி என்பவர் இயக்கியுள்ளார். ஹரிஷ் கல்யாண், இவானா, நதியா, யோகி பாபு ஆகியோர் முக்கிய வேடங்களில் நடித்துள்ளனர். தமிழ், தெலுங்கு என இரண்டு மொழிகளில் ஜூலை 28ம் தேதி திரைக்கு வரும் இந்த படத்தின் டிரைலர் மற்றும் பாடல்கள் சமீபத்தில் வெளியான நிலையில் சென்னை மற்றும் ஐதராபாத்தில் இப்படத்தின் பிரமோஷன் நிகழ்ச்சிகளும் நடந்தது. இந்த நிலையில் தற்போது எல்ஜிஎம் படத்தின் ரன்னிங் டைம் மற்றும் சென்சார் சான்றிதழ் குறித்த தகவல் வெளியாகி இருக்கிறது. அதில், இந்த படத்துக்கு யு சான்றிதழ் வழங்கப்பட்டிருப்பதாகவும், 153 நிமிடங்கள் அதாவது 2 மணி நேரம் 33 நிமிடங்கள் இந்த படத்தின் ரன்னிங் டைம் என்றும் தெரிவிக்கப்பட்டுள்ளது.