‛நூடுல்ஸ்' படத்தின் பர்ஸ்ட் லுக் வெளியானது!

அருவி, கர்ணன், அயலி, துணிவு, மாவீரன் ஆகிய படங்களில் நெகட்டிவ் கதாபாத்திரங்களில் நடித்து ரசிகர்களின் கவனத்தை ஈர்த்தவர் நடிகர் அருவி மதன்.
தற்போது முதல் முறையாக 'நூடுல்ஸ்' என்ற படத்தின் மூலம் இயக்குனராக அறிமுகமாகிறார். இதில் ஹரீஷ் உத்தமன், ஷீலா ராஜ்குமார், ஆழியா, திருநாவுக்கரசு, மில்லர், வசந்த் ஆகியோருடன் இணைந்து அருவி மதன் நடித்துள்ளார். மாநாடு பட தயாரிப்பாளர் சுரேஷ் காமாட்சி தனது வி ஹவுஸ் நிறுவனம் மூலம் வெளியிடுகிறார். இந்த நிலையில் இப்படத்தின் பர்ஸ்ட் லுக்கை படக்குழுவினர்கள் இன்று வெளியிட்டுள்ளனர். விரைவில் இந்த படம் திரைக்கு வருகிறது என்றும் குறிப்பிட்டுள்ளனர்.