உள்ளூர் செய்திகள்

/ சினிமா / செய்திகள் / லோகிவர்ஸ் 2.0 வின் தீம் வீடியோ வெளியானது

லோகிவர்ஸ் 2.0 வின் தீம் வீடியோ வெளியானது

விஜய் நடிப்பில் லோகேஷ் கனகராஜ் இயக்கிய லியோ படம் திரைக்கு வந்து 500 கோடி வசூலை நெருங்கி வருகிறது. 7 நாட்களில் ரூ.461 கோடி வசூலித்துள்ளதாக தயாரிப்பு நிறுவனம் அறிவித்துள்ளது. இந்த படத்தில் அனிருத் இசையில் உருவான பாடல்கள் மற்றும் பின்னணி இசையும் ரசிகர்கள் மத்தியில் பிரபலமாகி வருகிறது. இந்த நிலையில் லோகிவர்ஸ் 2.0 என்ற பெயரில் தீம் வீடியோவை லியோ படக் குழு வெளியிட்டுள்ளது. இந்த பாடல் லியோ படத்தின் இறுதியில் ஒலிக்கப்பட்டது. மேலும் லோகிவர்ஸ் 2.0 எல்சியுவின் கீழ் உள்ள மூன்று படங்களின் கருப்பொருள்களின் கலவையாக இந்த பாடல் உருவாகி உள்ளது. அதாவது விஜய்யின் லியோ படம் மட்டுமின்றி கமலின் விக்ரம், கார்த்தியின் கைதி ஆகிய படங்களின் பின்னணி இசையும் இதில் இணைக்கப்பட்டுள்ளது. எல்சியு வில் உள்ள நான்கு முக்கிய கதாபாத்திரங்களான டில்லி, விக்ரம், லியோ தாஸ் மற்றும் ரோலக்ஸ் ஆகியவை இந்த தீம்மில் இடம் பெற்றுள்ளன.


தினமலர் சேனல்களுக்கு SUBSCRIBE செய்யுங்கள் !