அன்னபூரணி படத்தின் ரிலீஸ் தேதி அறிவிப்பு

நடிகை நயன்தாரா தனது 75வது படமாக 'அன்னபூரணி' என்கிற படத்தில் நடித்து வருகிறார். ஜீ ஸ்டூடியோஸ், டிரைடண்ட் ஆர்ட்ஸ் நிறுவனங்கள் இணைந்து தயாரிக்கின்றனர். இந்த படத்தை ஷங்கரின் உதவி இயக்குனர் நிலேஷ் கிருஷ்ணா இயக்குகிறார் . ராஜா ராணி படத்திற்கு பிறகு இதில் நயன்தாரா உடன் நடிகர்கள் ஜெய் மற்றும் சத்யராஜ் இணைந்து நடிக்கின்றனர். கே.எஸ்.ரவிக்குமார், ரெடின் கிங்ஸ்லி, கார்த்திக் குமார், ரேணுகா உள்ளிட்ட பலர் முக்கிய கதாபாத்திரத்தில் நடிக்கின்றனர்.

சமீபத்தில் இதன் தலைப்பை ஒரு வீடியோ உடன் அறிவித்தனர். அதில் இடம் பெற்ற காட்சிகள் சர்ச்சையாகின. இப்போது இத்திரைப்படம் வருகின்ற டிசம்பர் 1ம் தேதி அன்று திரையரங்குகளில் வெளியாகும் என புதிய போஸ்டர் உடன் அறிவித்துள்ளனர்.