கமல்ஹாசன் 234: அறிமுக வீடியோ வருவது உறுதி
ADDED : 702 days ago
கமல்ஹாசன் - மணிரத்னம் கூட்டணி 36 ஆண்டுகளுக்குப் பிறகு கமல்ஹாசனின் 234வது படத்தில் இணைய உள்ளது. இப்படம் மல்டிஸ்டார் படமாக உருவாக உள்ளது. யார் யார் நடிக்க உள்ளார்கள் என்பது குறித்து இதுவரை தகவல்கள் வெளியாகவில்லை.
படத்தின் ஆரம்ப விழா புகைப்படங்களை மட்டும் வெளியிட்டிருந்தார்கள். நாளை மறுதினம் நவம்பர் 7ம் தேதி கமல்ஹாசனின் பிறந்தநாளை முன்னிட்டு இப்படத்தின் அறிமுக வீடியோ வெளியாகலாம் எனத் தெரிகிறது. அதற்கான படப்பிடிப்பை நடத்தி முடித்துள்ளதாகவும் தகவல்.
அந்தப் படப்பிடிப்பில் கமல்ஹாசன், மணிரத்னம் இருவரும் இருக்கும் புகைப்படம் ஒன்றை படத் தயாரிப்பு நிறுவனம் பகிர்ந்துள்ளது. இதனால், அந்த அறிமுக வீடியோ வெளியாவது உறுதி ஆகியுள்ளது.