காதலரை கரம்பிடித்த அமலாபால்

நடிகை அமலாபால், இயக்குனர் விஜய்யைக் காதலித்துத் திருமணம் செய்து கொண்டார். ஆனால், இரண்டு வருடங்களிலேயே இருவரும் விவகாரத்து செய்துவிட்டனர். அமலா பாலுக்கும் பாடகர் பவிந்தர் சிங் என்பவருக்கும் திருமணம் நடைபெற்றதாகச் செய்திகள் வெளியாகின. பவிந்தர் திருமணப் புகைப்படங்களைப் பகிர்ந்து பின்னர் அதை 'டெலிட்' செய்துவிட்டார்.

கடந்த சில தினங்களுக்கு முன்பு நடிகை அமலா பால் பிறந்த நாளில் அவரது காதலர் ஜெகத் தேசாய் புரபோஸ் செய்த வீடியோவை வெளியிட்டு பிறந்த நாள் வாழ்த்துகள் கூறியிருந்த நிலையில், அமலாபால் இந்த காதலை ஏற்றுக்கொண்டதாக தனது இன்ஸ்டாகிராம் பக்கத்தில் பதிவிட்டிருந்தார்.

இந்த நிலையில் ஜெகத் தேசாயை அமலாபால் திருமணம் செய்துகொண்டுள்ளார். இது சம்பந்தமான புகைப்படத்தை வெளியிட்ட ஜெகத் தேசாய், ‛இரண்டு ஆன்மாக்கள், ஒரு விதி, என் தெய்வீகப் பெண்ணுடன் கைகோர்த்து நடப்பது, இந்த வாழ்நாள் முழுவதும்' எனப் பதிவிட்டுள்ளார்.