பெண் தாதாவாக நடிக்கும் பிரியாமணி
ADDED : 695 days ago
பிரியாமணி தற்போது ஹிந்தி படங்கள், வெப் தொடர்கள் என பிசியாக நடித்து வருகிறார். சிறிய இடைவெளிக்கு பிறகு அவர் தமிழில் நடிக்கும் படம் கொட்டேஷன் கேங். இதில் அவர் சோலோ ஹீரோயினாக நடிக்கிறார். அவருடன் ஜாக்கி ஷெராப், சன்னி லியோன், சாரா அர்ஜுன், அஷ்ரப் மல்லிசேரி, ஜெயபிரகாஷ், அக்ஷயா உள்பட பலர் நடிக்கிறார்கள். பிலிமிநிதி எண்டர்டெயின்மென்ட் சார்பில் விவேக் குமார் கண்ணன் தயாரித்து இயக்குகிறார். அருண் பத்மநாபன் ஒளிப்பதிவு செய்கிறார், டிரம்ஸ் சிவமணி இசை அமைக்கிறார்.
படம் பற்றி இயக்குனர் விவேக் குமார் கண்ணன் கூறியதாவது: இது கிரைம் த்ரில்லர் ஜார்னரில் உருவாகி உள்ள கேங்ஸ்டர் படம். குடும்ப சூழ்நிலை காரணமாக கேங்ஸ்டராக மாறுகிறார் நாயகி பிரியாமணி. ஆணாதிக்கம் நிறைந்த கேங்ஸ்டர்களோடு அவர் எப்படி மோதுகிறார் என்பது முக்கிய கதையாக இருந்தாலும், 3 வெவ்வேறு கதைகள் அவரோடு இணையும். பல சண்டை காட்சிகளிலும் பிரியாமணி நடித்துள்ளார். காஷ்மீர் முதல் கன்னியாகுமரி வரை பல இடங்களில் படப்பிடிப்பு நடந்துள்ளது. ஜாக்கி ஷெராப் வில்லனாக நடித்துள்ளார். அவரது மனைவியாக சன்னி லியோன் நடித்துள்ளார். என்றார்.