ஜெயம் ரவியின் சைரன் படம் ஓடிடியில் நேரடியாக வெளியாகிறதா?

கடந்த ஆண்டில் ஜெயம் ரவி நடிப்பில் வெளியான இறைவன், அகிலன் என்ற இரண்டு படங்களுமே அவருக்கு தோல்வியை கொடுத்து விட்டன. அதையடுத்து அவரது நடிப்பில் திரைக்கு வர தயாராக இருக்கும் சைரன் படத்தை கடந்த மாதம் கிறிஸ்துமஸுக்கு வெளியிட திட்டமிட்டு இருந்தார்கள். ஆனால் அப்போது பிரபாஸின் சலார் படம் வெளியானதால் சைரன் படத்தின் ரிலீஸ் தேதியை தள்ளி வைத்தார்கள்.

இந்த நிலையில், தற்போது சைரன் படத்தை வருகிற ஜனவரி 26ம் தேதி குடியரசு தினத்தன்று 'ஜி5' ஓடிடி தளத்தில் வெளியிட திட்டமிட்டு இருப்பதாக ஒரு தகவல் வெளியாகி இருக்கிறது. மேலும், இதற்கு முன்பு ஜெயம்ரவி நடித்த 25வது படமான 'பூமி' படத்தையும் ஓடிடி தளத்தில்தான் நேரடியாக வெளியிட்டார்கள் என்பது குறிப்பிடத்தக்கது. இந்த சைரன் படத்தை அடுத்து தக்லைப், காதலிக்க நேரமில்லை, பிரதர், தனி ஒருவன்- 2 என பல படங்களில் ஜெயம் ரவி பிசியாக நடித்து வருகிறார் என்பது குறிப்பிடத்தக்கது.