விடாமுயற்சி - அடுத்தகட்ட படப்பிடிப்பு எப்போது?

மகிழ்திருமேனி இயக்கத்தில் அஜித்குமார் தற்போது 'விடாமுயற்சி' என்கிற படத்தில் நடித்து வருகிறார். லைகா புரொடக்ஷன்ஸ் நிறுவனம் தயாரிக்கும் இப்படத்திற்கு அனிரூத் இசையமைக்கிறார். இதில் அர்ஜுன், த்ரிஷா, ரெஜினா, ஆரவ் உள்ளிட்டோர் முக்கிய கதாபாத்திரங்களில் நடிக்கின்றனர். ஆக்ஷன் காட்சிகள் நிறைந்த அதிரடி படமாக தயாராகி வருகிறது.

கடந்த சில மாதங்களாக இந்த படத்தின் படப்பிடிப்பு பெரும்பாலும் அஜர்பைஜானில் நடைபெற்று வந்தது. சமீபத்தில் அஜர்பைஜானில் ஏற்பட்ட வானிலை மாற்றத்தினால் தற்போது விடாமுயற்சி அடுத்தகட்ட படப்பிடிப்பை விரைவில் ஜார்ஜியாவில் உள்ள டிபிலிசி என்கிற பகுதியில் நடத்த திட்டமிட்டு வருவதாக கூறப்படுகிறது. இதை முடித்த பின் சென்னை, ஐதராபாத்திலும் படப்பிடிப்பை நடத்த உள்ளனர்.