அவதூறு செய்தி - கமிஷனர் அலுவலகத்தில் புகார் அளித்த அருண் விஜய்!
ADDED : 815 days ago
நடிகர் அருண் விஜய் நடித்த மிஷன் சாப்டர் -1 என்ற படம் சமீபத்தில் திரைக்கு வந்த நிலையில் தற்போது பாலா இயக்கத்தில் வணங்கான் படத்தில் நடித்து வருகிறார். இந்நிலையில் சமீபத்தில் தன்னுடைய அக்காள் மகள் திருமணம் குறித்த புகைப்படங்களை சமூக வலைதளத்தில் பதிவிட்டு இருந்தார் அருண் விஜய். அந்த புகைப்படங்கள் பெரிய அளவில் வைரல் ஆகி வந்தது.
இந்த நேரத்தில் அருண் விஜய் மற்றும் அவரது குடும்பத்தினர் குறித்து ஒரு யுடியூப் சேனலில் அவதூறான செய்திகளை வெளியிட்டுள்ளனர். இதனால் அதிர்ச்சி அடைந்த அருண் விஜய் சம்பந்தப்பட்ட நபர்கள் மீது நடவடிக்கை எடுக்குமாறு சென்னை கமிஷனர் அலுவலகத்தில் ஒரு புகார் அளித்துள்ளார்.