ராஜூ முருகன் இயக்கத்தில் அர்ஜுன் தாஸ்?

‛குக்கூ' படத்தின் மூலம் இயக்குனராக அறிமுகமானவர் ராஜூ முருகன். ஜோக்கர் படத்தில் இவர் பேசிய அரசியல் ரசிகர்களின் கவனத்தை ஈர்த்தது. இதையடுத்து அவரது இயக்கத்தில் வெளிவந்த ஜிப்ஸி, ஜப்பான் ஆகிய படங்கள் ரசிகர்கள் மத்தியில் சுமாரான வரவேற்பை பெற்று தோல்வியை சந்தித்தது.

தோல்வியில் இருந்து மீள ராஜூ முருகன் தீவிரமாக தனது அடுத்த படத்திற்கான கதையில் ஈடுபட்டு வருகின்றார். சமீபத்தில் இவர் அடுத்த படத்தில் கதாநாயகனாக நடிக்க எஸ்.ஜே.சூர்யா உடன் பேச்சுவார்த்தை நடத்தி வருவதாக கூறப்பட்டது. தற்போது கிடைத்த தகவலின் படி, இப்போது நாயகனாக நடிக்க அர்ஜுன் தாஸ் உடன் பேச்சு வார்த்தையில் ஈடுபட்டு வருவதாக சினிமா வட்டாரங்களில் தெரிவிக்கின்றனர்.