ஆகஸ்ட் மாதத்தில் திரைக்கு வரும் ‛தி கோட்'

வெங்கட் பிரபு இயக்கத்தில் விஜய் நடிப்பில் உருவாகி வரும் படம் 'தி கிரேட்டஸ்ட் ஆப் ஆல் டைம்' . சுருக்கமாக ‛தி கோட்' என அழைக்கின்றனர். ஏ.ஜி.எஸ் நிறுவனம் தயாரிக்கும் இப்படத்திற்கு யுவன் சங்கர் ராஜா இசையமைக்கிறார். இதில் விஜய்யுடன் இணைந்து மோகன், ஜெயராம், சினேகா, லைலா, மீனாட்சி சவுத்ரி, பிரபுதேவா, பிரசாந்த், அஜ்மல் உள்ளிட்ட பல நட்சத்திரங்கள் முக்கிய கதாபாத்திரங்களில் நடித்து வருகின்றனர்.

தற்போது இதன் படப்பிடிப்பு சென்னையில் நடைபெற்று வருகிறது. இன்னும் இந்த படத்தின் படப்பிடிப்பு ஒரு மாத காலம் மட்டுமே மீதமுள்ளது. இந்த நிலையில் இப்படத்தை முதலில் ஜூன் மாதத்தில் விஜய் பிறந்தநாளை முன்னிட்டு திரைக்கு கொண்டு வருவதாக தகவல் வெளியானது. இப்போது கிடைத்த தகவலின்படி, இந்த படத்தை வருகின்ற ஆகஸ்ட் மாதம் சுதந்திர தினத்தன்று வெளியிட பேச்சுவார்த்தை நடத்தி வருவதாக கூறப்படுகிறது.