ராயன் படத்தின் முதல் பாடல் குறித்து தகவல் இதோ!

தனுஷ் தனது 50வது படமான 'ராயன்' என்கிற படத்தை இயக்கி நடித்துள்ளார். ஏ.ஆர்.ரஹ்மான் இசையமைக்கும் இந்த படத்தில் எஸ்.ஜே.சூர்யா, சந்தீப் கிஷன், காளிதாஸ் ஜெய்ராம், செல்வராகவன், பிரகாஷ் ராஜ், துஷரா விஜயன், அபர்ணா பாலமுரளி உள்ளிட்டோர் முக்கிய கதாபாத்திரத்தில் நடித்துள்ளனர்.

தற்போது இதன் போஸ்ட் புரொடக்ஷன் பணிகள் விறுவிறுப்பாக நடைபெற்று வருகிறது. நீண்ட நாட்களாக இந்த படத்தின் அப்டேட்காக ரசிகர்கள் காத்திருக்கின்றனர். அவர்களைக் உற்சாகப்படுத்த ராயன் படத்திலிருந்து முதல் பாடல் வருகின்ற மே இரண்டாம் வாரத்தில் வெளியிட படக்குழு முடிவு செய்துள்ளது. இந்த பாடலை தனுஷ் பாடியுள்ளார்; பிரபுதேவா நடனம் இயக்கியுள்ளார். இந்த பாடலில் 500க்கும் மேற்பட்ட நடன கலைஞர்கள் தனுஷூடன் இணைந்து நடனமாடி உள்ளனர் என்பது கூடுதல் தகவல்.