ஒரே நேரத்தில் இரண்டு படங்களில் நடிக்கும் அஜித் குமார்!
ADDED : 534 days ago
மகிழ்திருமேனி இயக்கத்தில் அஜித் நடித்து வரும் விடாமுயற்சி படத்தின் படப்பிடிப்பு அஜர்பைஜானில் தொடர்ந்து நடைபெற்று வந்த நிலையில், ஜனவரி மாதம் அங்கிருந்து சென்னை திரும்பிய படக்குழு அதன்பிறகு மீண்டும் படப்பிடிப்பை தொடங்கவில்லை. இந்த நிலையில் அஜித் நடிப்பில் ‛குட் பேட் அக்லி' என்ற படத்தின் வேலைகளை தொடங்கிவிட்ட ஆதிக் ரவிச்சந்திரன், இப்படத்தின் முதல்கட்ட படப்பிடிப்பை வருகிற மே 10ம் தேதி ஹைதராபாத்தில் தொடங்க இருப்பதாக கூறப்படுகிறது.
இப்படத்தின் முதல் கட்ட படப்பிடிப்பை முடித்துவிட்டு அதன்பிறகு மீண்டும் அஜர்பைஜான் நாட்டுக்கு சென்று விடாமுயற்சி படப்பிடிப்பில் கலந்து கொள்கிறாராம் அஜித். மேலும், விடாமுயற்சி படம் இந்த ஆண்டு இறுதியில் திரைக்கு வரும் நிலையில், அடுத்த ஆண்டு பொங்கலுக்கு குட் பேட் அக்லி திரைக்கு வர இருப்பதாகவும் கூறப்படுகிறது.