திரிஷாவின் ஐடென்டிட்டி படப்பிடிப்பு நிறைவு

லியோ படத்திற்கு பிறகு தமிழில் விடாமுயற்சி, தக்லைப் போன்ற படங்களில் நடித்து வரும் திரிஷா, மலையாளத்தில் ஐடென்டிட்டி என்ற படத்திலும், தெலுங்கில் விஸ்வாம்பரா படத்திலும் நடித்து வருகிறார். அதோடு வெங்கட் பிரபு இயக்கத்தில் விஜய் நடித்து வரும் கோட் படத்திலும் அவர் ஒரு கெஸ்ட் ரோலில் நடிப்பதாக கூறப்படுகிறது. என்றாலும் இந்த தகவல் அதிகாரப்பூர்வமாக அறிவிக்கப்படவில்லை.

இந்த நிலையில் மலையாளத்தில் டோவினோ தாமசுக்கு ஜோடியாக திரிஷா நடித்த வந்த ஐடென்டிட்டி படத்தில் அவருக்கான காட்சிகள் படமாக்கப்பட்டு முடிவடைந்துவிட்டது. அதையடுத்து தான் அந்த யூனிட்டில் இருந்து வெளியேறும் கடைசி நாளில் டொவினோ தாமஸ் மற்றும் அனைத்து டெக்னீசியன்களுடனும் திரிஷா எடுத்துக் கொண்ட புகைப்படம் வெளியாகி வைரலாகி வருகிறது. அகில் பால் என்பவர் இயக்கி வரும் இந்த படம் இந்த ஆண்டு இறுதியில் திரைக்கு வர உள்ளது.