நான் வைலன்ஸ் முதல் பார்வையை வெளியிட்ட பிரபலங்கள்

கடந்த 2016ம் ஆண்டில் ஆனந்த கிருஷ்ணன் இயக்கத்தில் பாபி சிம்ஹா, மெட்ரோ சிரிஷ் ஆகியோர் நடித்து வெளிவந்த திரைப்படம் 'மெட்ரோ'. தற்போது 8 வருடங்கள் கழித்து மீண்டும் மெட்ரோ பட கூட்டணி இணைந்து 'நான் வைலன்ஸ்' என்கிற புதிய படத்தை உருவாக்கியுள்ளதாக சமீபத்தில் அறிவித்தனர்.

ஆனந்த கிருஷ்ணன் இயக்கத்தில் பாபி சிம்ஹா, சிரிஷ், யோகி பாபு, அதிதி பாலன் ஆகியோர் இணைந்து முக்கிய கதாபாத்திரங்களில் நடிக்கின்றனர். இதற்கு யுவன் சங்கர் ராஜா இசையமைக்கின்றார்.

இந்த நிலையில் இப்படத்தின் பர்ஸ்ட் லுக் எனப்படும் முதல் பார்வை போஸ்டரை நடிகர் சிவராஜ் குமார், இயக்குனர் வெங்கட் பிரபு மற்றும் இசையமைப்பாளர் தமன் ஆகியோர் தங்களது சமூக வலைதள பக்கங்களில் வெளியிட்டனர். படத்தின் தலைப்போ நான் வைலன்ஸ் என்று உள்ளது. ஆனால் போஸ்டரில் உள்ளவர்கள் கையில் ஆயுதங்களுடன் இருப்பதாக உள்ளது.